அறத்துப்பால்புதல்வரைப் பெறுதல்(அதிகாரம் 7)
தந்தை மகற்காற்று நன்றி அவையத்து
முந்தி இருப்பச் செயல்.
முந்தி இருப்பச் செயல்.
“The good a father can do his son is to make him occupy the first rank in an assembly.”
— V.R. Ramachandra Dikshitar (1949)
மு. வரதராசன் விளக்கம்
தந்தை தன் மகனுக்குச் செய்யத்தக்க நல்லுதவி, கற்றவர் கூட்டத்தில் தன் மகன் முந்தியிருக்கும்படியாக அவனைக் கல்வியில் மேம்படச் செய்தலாகும்.
— பேராசிரியர் மு. வரதராசனார்
கலைஞர் மு. கருணாநிதி
தந்தை தன் மக்களுக்குச் செய்யவேண்டிய நல்லுதவி அவர்களை<br>அறிஞர்கள் அவையில் புகழுடன் விளங்குமாறு ஆக்குதலே ஆகும்.
— முத்துவேல் கருணாநிதி
பரிமேலழகர் விளக்கம்
தந்தை மகற்கு ஆற்றும் நன்றி - தந்தை புதல்வனுக்குச் செய்யும் நன்மையாவது;அவையத்து முந்தி இருப்பச் செயல் - கற்றார் அவையின்கண் அவரினும் மிக்கு இருக்குமாறு கல்வியுடையன் ஆக்குதல். (பொருளுடையான் ஆக்குதல் முதலாயின துன்பம் பயத்தலின் நன்மை ஆகா என்பது கருத்து. இதனான் தந்தை கடன் கூறப்பட்டது.)
— பரிமேலழகர் (செம்மொழி)
சாலமன் பாப்பையா விளக்கம்
தகப்பன் தன் பிள்ளைக்குச் செய்யும் நன்மை, கற்றவர் அவையில் முதன்மைப் பெறச் செய்வதே.
— சாலமன் பாப்பையா
