அறத்துப்பால்வான்சிறப்பு(அதிகாரம் 2)
ஏரின் உழாஅர் உழவர் புயல்என்னும்
வாரி வளங்குன்றிக் கால்.
வாரி வளங்குன்றிக் கால்.
“The cultivators would cease to plough were the clouds’ free supply of water to fail.”
— V.R. Ramachandra Dikshitar (1949)
மு. வரதராசன் விளக்கம்
மழை என்னும் வருவாய் வளம் குன்றி விட்டால், ( உணவுப் பொருள்களை உண்டாக்கும்) உழவரும் ஏர் கொண்டு உழமாட்டார்
— பேராசிரியர் மு. வரதராசனார்
கலைஞர் மு. கருணாநிதி
மழை என்னும் வருவாய் வளம் குன்றிவிட்டால், உழவுத் தொழில் குன்றிவிடும்.
— முத்துவேல் கருணாநிதி
பரிமேலழகர் விளக்கம்
உழவர் ஏரின் உழார்- உழவர் ஏரான் உழுதலைச் செய்யார்; புயல் என்னும் வாரி வளம் குன்றிக்கால் - மழை என்னும் வருவாய் தன் பயன் குன்றின். ('குன்றியக்கால்' என்பது குறைந்து நின்றது. உணவு இன்மைக்குக் காரணம் கூறியவாறு.)
— பரிமேலழகர் (செம்மொழி)
சாலமன் பாப்பையா விளக்கம்
மழை என்னும் வருவாய் தன் வளத்தில் குறைந்தால், உழவர் ஏரால் உழவு செய்யமாட்டார்
— சாலமன் பாப்பையா
